Geweld teen toeriste skaad Namibiërs
2010-11-18 11:26
Ovamboland – Die ministerie van die omgewing en toerisme het sy teleurstelling en afkeur uitgespreek oor die onlangse wrede aanval en roof op oorsese toeriste op die Oshandumbara nedersetting naby Oshakati.
Die Ministerie sê in ’n verklaring sulke kriminele dade kan toeriste ontmoedig om Namibië in die toekoms te besoek.
“In plaas van toeriste aan te val en te beroof, moet ons toeriste help met rigtingaanwysings, vertalings en inligting verskaf oor interessante en besienswaardige bestemmings.”
Dalende toerismesyfers kan die lewensbestaan van Namibiërs bedreig.
“Toerisme is die sektor wat die derde meeste bydra tot die bruto binnelandse inkomste en groei sedert onafhanklikwording geweldig vinnig,” het die ministerie gesê.
Lees meer hier
Volg Nuus24 op Twitter