Geen slaai op vliegtuig oor E.coli
2011-06-03 12:27
‘n Uitbraak van E.Coli in Europa wat reeds 18 mense se lewens geëis en meer as 1 600 mense siek gelaat het, het daartoe gelei dat sommige lugrederye hul spyskaarte verander het.
Die sondebok is moontlik bakterieë op komkommers, blaarslaai en ander slaaibestanddele.
Gevolglik het American Airlines besluit om aan die veilige kant te wees en slaaie van hul spyskaarte te verwyder op vlugte wat uit Europa kom.
“Ons pas ons spyskaarte uit Europa aan deur blaarslaai, komkommer en tamatie te verwyder en eerder te vervang met ‘n pastaslaai of druiwe,” het Tim Smith, woordvoerder vir die lugredery, gesê.
Ander lugrederye en die maatskappye wat vliegtuig-etes voorberei het ook veranderinge aan hul spyskaarte aangebring.
Kliek hier om meer te lees.