Geen meer boudjies in die strate van Barcelona
2011-05-03 15:29
Toeriste in Barcelona wat die strate in wandel met hul swembroeke en bikini’s of enigiets minder as dit aan, kan in die toekoms met groot bedrae beboet word.
Daar is Vrydag gestem dat “nudiste of mense wat skraps geklee is in openbare plekke verban sal word” en swemklere sal beperk word tot swembaddens, strande, paaie langs die strand en strand-wandelpaaie.
Diegene wat in hul geboortepakkies op die strand lê en dan van hierdie dele afwyk kan boetes van tussen €300 en €500 (R2 940 tot R4 900) opgelê word.
Mense wat in hulle swemklere in die strate paradeer kan boetes van €120 tot €300 (R1 170 – R2 940) opgelê word.
Amptenare in die stad het vroeër in die jaar plakkate opgerig waarin sulke gedrag ontmoedig.
Met die nuwe beperkings hoop stadsamtenare dat daar ‘n “vreedsame naasbestaan tussen mense in openbare gebiede sal wees,” maar hulle het ontken dat hulle vir mense voorskryf oor hoe om aan te trek,” het Assumpta Escarp, die stadsraadslid in beheer van sekuriteit, gesê.
Volg Nuus24 op Twitter
- AFP