Gautrein ry van Junie na Pretoria
2011-04-06 08:35
Johannesburg – Pendelaars sal van Junie met die Gautrein tussen Pretoria en Johannesburg kan ry.
Ismail Vadi, Gautengse LUR vir vervoer, sal die tariewe Woensdag aankondig.
Motoriste wat met dié trein pleks van hul motors ry, sal na verwagting heelwat minder aan vervoer bestee.
In 2008 is berig dat ’n retoerkaartjie tussen Pretoria en Johannesburg sowat R100 sal kos.
Die rit sal heelwat vinniger as per motor wees en omtrent 50 minute duur.
Die eerste toetsritte tussen die Midrand-depot en die Pretoria-stasie is vroeër vanjaar onderneem. Die treine moet sowat 3 000 km op die toetsspoor aflê voordat hulle as geskik gesertifiseer kan word.
Daar sal tien stasies by die treinspoor wees wanneer die projek voltooi is.
Volg Nuus24 op Twitter
- Beeld