Fleksie-ure vir Bafana-aanhangers?
2010-03-11 12:14
Kaapstad - Ons het nou nóg ‘n rede om te hoop dat Bafana-Bafana dit verby die eerste ronde sal maak nadat die Suid-Afrikaanse Sokkervereniging se ondersteuners klub (Safsa) ‘n beroep op wekgewers gedoen het om toe te laat dat hul werkers fleksie-ure werk wanneer die Wêreldbeker-sokkertoernooi in Junie en Julie gaan plaasvind.
Wat dit uiteindelik beteken is dat alle Suid-Afrikaners dalk die geleentheid sal kry om hul werksplek drie ure voor alle Bafana-Bafana wedstryde sal kan verlaat gedurende die 2010 Fifa Wêreldbeker.
Datums om te onthou:
11 Junie: Johannesburg – Suid-Afrika t Mexiko (16:00)
16 Junie: Pretoria – Suid-Afrika t Uruguay (20:30)
Dié werksure-versoek word tans deur die die nasionale ekonomiese ontwikkelings- en arbeidsraad (Nedlac) en Masenyani Baloyi, minister van publieke dienste en adminstrasie, oorweeg.
Siyabulela Makhunga, woordvoerder van Safsa, het benadruk hierdie gebeurtenis vind slegs eenkeer elke vier jaar plaas. Dus moet werkgewers hul werkers die kans gee om dit te benut.
“Daar gaan in Junie ‘n afname in produktiweit wees. Voorafbeplande afwesigheid vanaf die werk is maar nog net die begin van die storie. Die afwesigheid van werkers van hul werksplek kan dalk groter wees as wat ons dink as gevolg van al die partytjies wat voor wedstryde gaan plaasvind. Te min slaap gaan ook veroorsaak word deur aanhangers wat tot laat in die nag moet wakker bly om wedstryde te kyk.”
“Jy kan dit nie help nie. Die Wêreldbeker is hier, en mense gaan alles in hul vermoëns doen om die wedstryde te kyk. As ‘n land moet ons saamwerk om te verseker dat mense se drome vervul word,” het Makunga gesê.
- GoTravel24