Facebook kan toerisme red, meen kenners
2011-08-31 14:44
Toerisme-ondernemings steun al hoe meer op Facebook om besoekers na hul webwerwe te lok, het kenners by die TravelTech: Best of Enemies-konferensie in Sydney gesê.
Volgens Kate Vale, direkteur van Loopster Media in Australië, word Facebook elke maand 'n belangriker manier om potensiële kliënte te teiken.
Vale het op die konferensie verwys na die L2 Digital IQ-indeks vir toerisme-ondernemings, wat in Januarie in die VSA voltooi is. Volgens dié verslag is die internet "besig om te sterf terwyl Facebook floreer".
"Facebook-gemeenskappe van toerisme-ondernemings het in die eerste kwartaal van 2011 met 'n gemiddeld van 20 persent gegroei," het die verslag gelui.
– Lees hier meer.
– Volg Nuus24 op Twitter.