Emirates beplan gereelde vlugte na Zim
2011-10-10 21:47
Kaapstad – Emirates-lugredery het aangekondig dat hy van volgende jaar af met vyf vlugte ‘n week tussen Zimbabwe, Zambië en Doebai sal begin.
“Emirates sal in Februarie 2012 met vyf vlugte ‘n week van Harare en Lusaka na Doebai begin,” het die Emirates Group in ‘n koerant-advertensie gesê.
Air Zimbabwe moes sy dienste afskaal as gevolg van gereelde stakings en ‘n reuse-skuldkrisis wat Zimbabwe se nasionale lugredery kelder.
Air Zimbabwe se vlieëniers het vroeë die jaar vir meer as vyf maande gestaak ook onbetaalde salarisse en lone en die lugredery sit nou met sowat $100 miljoen (sowat R785 miljoen) se skuld.
Verskeie internasionale lugrederye, onder andere EgyptAir, Air France, KLM, Lufthansa en Quantas, het vlugte na Zimbabwe gestaak as gevolg van ‘n afname in passasiersgetalle en toeriste wat afgeskrik is deur geweld en ‘n tekort aan voedsel.
Plaaslike lugrederye soos Air Malawi, Kenyan Airways en die Suid-Afrikaanse Lugredery (SAA) vlieg steeds na Zimbabwe.
– Volg Nuus24 op Twitter
- Sapa - AFP