Ekstra vlug van Ksd na Hoedspruit
2011-09-07 10:44
Kaapstad – SA Express sal vanaf 2 Oktober ‘n ekstra vlug op ‘n Sondag op sy roete tussen Kaapstad en Hoedspruit voeg.
Die aankondiging volg slegs ‘n maand nadat die roete bekendgestel is en dui op die groot vraag van beide plaaslike en internasionale reisigers, het die lugredery gesê.
“Ons het geweet dat daar ‘n behoefte is vir ‘n direkte verbinding van Kaapstad en die toename van mense wat van die diens gebruik maak het dit bewys. Toerisme in die omgewing baat uit die roete en die ekstra vlug sal meer waarde by die plaaslike ekonomie voeg,” het die uitvoerende hoof, Inati Ntshanga, gesê.
– Tourism Update
– Volg Nuus24 op Twitter