Egipte se toerismeraad voorspel vinnige herstel
2011-02-10 09:08
Egipte – Amptenare van die Egiptiese Toerismeraad (ETA) voorspel ‘n vinnige herstel vir die nasionale toerismebedryf ná die onlangse politieke onrus.
El-Sayed Khalifa, direkteur van ETA in New York, het vroeër die week erken dat “massas toeriste die land verlaat het” in die laaste paar weke, maar hy was optimisties dat die situasie vinnig omgekeer sou word.
“As mens terugkyk na vorige krisisse wat die bedryf in die laaste dekade getref het, kan ‘n mens sien dat die huidige krisis, ten spyte van die negatiewe effek wat dit op ons bedryf het, vinnig behoort oor te waai en dat dit nie groot skade sal agterlaat nie,” het hy bygevoeg.
Toeriste het uit die land gevlug te midde betogings teen die regering wat die middestad van Kaïro in 'n chaos gedompel het.
Die Britse kantoor vir buitelandse sake waarsku steeds dat mense slegs na Kaïro, Alexandria, Luxor en Suez moet reis as dit regtig noodsaaklik is.
Oorde rondom Sharm-el-Sheikh was steeds “kalm” ten spyte van die krisis.
Lees hier meer.
