Die waarheid agter reis-mites
2011-01-14 08:58
Al ooit die storie gehoor van die man wie se identiteit gesteel is nadat sy persoonlike inligting van sy elektroniese kamer-kaart bekom is?
Of die een van boewe wat passasiers op treine in Oos-Europa met slaapgas oorrompel en beroof?
Dit maak lekker stories, maar meeste van die tyd is dié soort mites nie waar nie.
Hier is ‘n paar reis-mites waaroor jy dalk effe meer gerus kan wees as jy jou volgende oorsese reis beplan.
1. Hotel-sleutelkaarte bevat persoonlike inligting
Wydverspreide gerugte doen die ronde dat gaste se persoonlike inligting – selfs hul identiteite- van hotelle se kamersleutel-kaarte afgesteel kan word.
Volgens die webwerf Snopes, wat sulke mites verkeerd probeer bewys, is dit onwaar.
Met vandag se nuwe tegnologie stoor geen hotel glo persoonlike inligting op sleutelkaarte nie.
2. Daar is $100-note in Gideon-Bybels weggesteek
In baie hotelle sal ‘n Gideon-Bybel op die bedkassie lê.
“Volgens ‘n legende het evangeliese Christene soms $100-note tussen die blaaie weggesteek as ‘n beloning vir die getroue leser of desperate siel wat volgende deur die Goeie Boek blaai, het die bemarkingspesialis Amy Bradley-Hole van Arkansas gesê.
Volgens Bradley-Hole is dit waarskynlik ‘n mite, siende dat sy nog nooit van iemand gehoor het wat geld in ‘n Bybel ontdek nie.
“Ek weet wel van baie mense wat erken het hulle steek hul geld in die Bybel weg, aangesien hulle dink dit is ‘n goeie wegsteekplek.”
Dit mag dalk net ‘n goeie rede wees om in ‘n hotel-Bybel te loer.
3. Jy sal nie die beweging op ‘n reuse-skip voel nie
Groot skepe is grotendeels baie stabiel, maar dit beteken nie jy gaan voel asof jy op die land is nie.
“Dit maak nie saak op watter grootte skip jy is nie. Op een of ander punt gaan jy beweging voel,” het John Deiner, besturende-redakteur by CruiseCritic.com gesê.
“Stabiliseerders help natuurlik baie, maar as jy die beweging geheel en al wil vermy, is die beste ding wat jy kan doen om op die land te bly en die skip van daar te aanskou.”
“Om die gevoel van beweging op die skip te minimaliseer, bly op die middelste dek,” het hy gesê.
Lees oor meer mites by AOL Travel
Volg Nuus24 op Twitter