Die hotelkamer van die toekoms
2011-06-10 11:12
‘n Gewilde toekomskundige het voorspel dat hotelkamers teen 2030 ingerig sal wees om aan te pas by ons spesifieke voorkeure vir die perfekte nagrus en sodat gaste sal voel asof hulle tuis is.
Ian Pearson het die voorspellings in Travelodge se Future of Sleep-verslag gemaak, ‘n ses maande lange projek wat kyk na hoe hotelle en reis in die toekoms gaan verander.
Hier is ‘n paar idees wat ons volgens Pearson in toekomstige hotelkamers kan verwag.
Interaktiewe videopanele met klank wat ‘n hele muur bedek
Die hele kamer sal gebruik kan word as ‘n interaktiewe uitbeelding te danke aan aangevulde realiteit, voorspel Pearson.
Volgens hom sal gaste van ‘n verskeidenheid uitlegte kan kies en besigheidsreisigers sal virtuele familie-foto’s op die muur kan uitbeeld.
Klank en beligting om die regte atmosfeer te skep sal die illusie skep dat jy êrens anders is.
Mediese slaap-monitering
Slaapklere sal in die toekoms vlakke van stres of ontspanning kan meet, sowel as jou pols, bloeddruk en hartklop.
Sensors sal gevolglik die volgende oggend advies gee oor wat jy behoort te eet.
Gevorderde kussings
‘n Ligte kop en nek massering sal gaste help om aan die slaap te raak, terwyl elektronika slaapaktiwiteit sal kan optel wat die reisiger op die regte tyd wakker maak.
Doen inkopies uit die kamer
Gaste sal uit die gemak van hul kamer kan inkopies doen, met die mure wat die binnekant van ‘n winkel sal voorstel.
Kliek hier om meer te lees.
Besoek Travelodge se webwerf hier