Christus-beeld blinknuut
2010-07-01 16:46
Rio de Janeiro – Die reuse standbeeld van Christus wat uitkyk oor Rio de Janeiro is weer oop vir die publiek ná die beeld ten duurste gerestoureer is.
Die restourasiewerk, wat sowat R30 miljoen gekos het, is deur die Brasiliaanse mynmaatskappy, Vale, sowel as die Rooms-Katolieke kerk in Rio gefinansier.
Vale sal die instandhouding tot en met 2015 ook behartig.
Die beeld, wat deur Paul Landowski ontwerp is, is in 1930 opgerig.
Oor die jare het allerlei krake gevorm en het die buitenste laag van seepsteen en ander materiale skade gelei.
Volg Nuus24 op Twitter.
- AP