Britse paartjie sterf op wittebrood in Maldive
2011-08-08 12:23
Kaapstad – ‘n Britse paartjie wat op hul wittebrood in die Maldive-eilande was, is in ‘n vierwielmotorfiets-ongeluk dood, het berigte gesê.
Jonathan en Emma Gray van Wes-Yorkshire is Saterdag om 04:00 langs ‘n pad by die Kureda Eiland-oord, waar hulle gebly het, gevind.
Hulle het verlede Saterdag in Halifax getrou.
‘n Derde persoon is glo beseer, maar is in ‘n stabiele toestand en die voorval word ondersoek.
Die Maldive-eilande is ‘n gewilde wittebrood-bestemming vir pasgetroude paartjies.
Die land bestaan uit 1 190 koraal-eilande.
– Breaking Travel News
– Volg Nuus24 op Twitter