Bouwerk aan wêreld se grootste lughawe begin
2011-09-15 15:02
Beijing – Die Chinese hoofstad het bouwerk aan ‘n reuse nuwe
lughawe begin wat na beraming 120 miljoen reisigers jaarliks sal behartig, berig Wanderlust.
Die Beijing Daxing-lughawe, wat in 2015 sal open, sal die wêreld
se besigste lughawe wees en sowat 370 000 passasiers
sal na verwagting daagliks deur die lughawe beweeg.
Li Jiaxing, die minister in beheer van China se burgerlike lugdiens-administrasie,
het gesê enorme groei in die aanvraag na vlugte het die hoofstad se bestaande
fassiliteite tot op breekpunt gerek.
“Dit is nou onmoontlik om enige bykomende vlugte in die daaglikse
skedule van die bestaande lughawe te voeg,” het hy gesê.
– Lees meer
hier.
– Volg Nuus24 op
Twitter.