Betogings in Thailand skrik talle toeriste af
2010-03-19 18:40
Kaapstad – Thailand se toerismebedryf loop erg deur onder die huidige protesoptrede teen die regering.
Besoekers wat daaraan gedink het om die land se tempels en geurige kosse te geniet, was die afgelope week afgeskrik deur tonele van betogers wat bottels met hul eie bloed na regeringskantore gooi.
Die sogenaamde Red Shirts, ondersteuners van Thaksin Shinawatra, die gewese premier, probeer om verkiesings in die land te bespoedig.
En alhoewel hulle protesoptog tot op hede vreedsaam was, onthou baie mense die Red Shirts se betogings verlede jaar wat handuit geruk het.
Volgens ‘n reisagent het die betogings daartoe gelei dat baie mense hul vakansies gekanselleer het.
Volgens Thailand se toerisme-owerheid het 38 lande reeds reis waarskuwings oor Bangkok uitgereik weens die betogings, wat verlede naweek daar begin het.
- Vir die volledige storie, besoek iol