Betaal om langs jou kind te sit op 'n vliegtuig
2011-10-11 11:17
Kaapstad – Sal jy betaal net om langs jou kind te sit op ‘n vliegtuig? Dit klink dalk na ‘n snaakse vraag, maar een lugredery neem aan jy sal.
Passasiers wat internasionaal met Qantas vlieg sal in die toekoms $20 (sowat R157) per persoon per vlug betaal vir 'n gevorderde sitplek-diens, waar jy vooraf kan kies waar jy wil sit.
Dit sal vir ‘n gesin van vier dus ‘n minimum van $160 (sowat R1 260) kos net om te verseker hulle sit saam op die vliegtuig.
Hoekom doen lugrederye dit? Hulle meen as jy nie verseker het dat jy vroeg opklim nie of as jy laat by die vliegtuig aankom en nie sitplekke langs mekaar vind nie, is daar geen waarborg dat jy by jou kinders kan sit nie.
Qantas is ook nie die enigste lugredery wat jou geld vra om ‘n spesifieke sitplek te kies nie. Inteendeel – jy sal hard moet soek om deesdae ‘n lugredery te vind wat jou nie geld vra om jou sitplek vooraf te bespreek nie.
Nietemin: Moet 'n mens regtig opdok om te verseker jou kinders hoef nie die hele vlug tussen twee vreemdelinge aan die ander kant van die vliegtuig te sit nie?
‘n Paar maande gelede het ‘n opname getoon dat kinders die mees gevreesde passasiers van almal is.
Verskeie opnames het ook bevind dat ‘n groot hoeveelheid mense die idee ondersteun dat kinders heeltemal van vlugte verban moet word.
– The Independent on Sunday
– Volg Nuus24 op Twitter