Besoekers aan WK styg met 14%
2011-12-21 19:30
Kaapstad - Die getal besoekers aan die Wes-Kaap het in November met 14% gestyg teenoor dieselfde tydperk verlede jaar, berig RSG.
Die provinsiale minister van Toerisme in die Wes-Kaap, Alan Winde, voorspel 'n goeie toerisme-seisoen. Die syfers toon dat besoekers wyer reis en nuwe plekke ontdek, wat 'n positiewe vooruitsig inhou vir kleiner dorpies.
Daar was byvoorbeeld sowat 24.8% persent meer besoekers aan die Kaap Agulhus Ligtoring en meer as 50% meer besoekers aan die Worcester opelugmuseum.
Toerisme dra meer as tien persent by tot die provinsie se BBP.
- RSG
Volg Nuus24 op Twitter