Baba by VSA-lughawe ondersoek
2011-05-11 09:18
VSA - ‘n Foto wat op Twitter gelaai is van ‘n baba wat ‘n liggaamsondersoek by die Kansas City Internasionale-lughawe ontvang, is die jongste voorval van lughawe-sekuriteit in Amerika waar kinders ondersoek word.
Die foto, wat Saterdag deur pastoor Jacob Jester geneem en op Twitter geplaas is, het al byna 300 000 kyke ontvang.
Volgens Jester het hy Saterdag van Albuquerque gereis toe hy oplet dat die vrou agter hom met ‘n baba reis wat min of meer sy seun se ouderdom is.
Hy het net deur die sekuriteitspunt gegaan, toe hy omkyk en sien hoe die baba ‘n liggaamsondersoek ontvang.
“Ek het regtig nie gedink aan wat gaan gebeur nie,” het Jester aan msnbc.com gesê.
“Ek het net ‘n foto geneem. Ek het gedink dit is ‘n buitengewone voorval. Ek sal nie wil hê dit moet met my seun gebeur nie,” het Jester gesê.
Jester se Twitter-inskrywing het gelees: “Het sopas gesien hoe TSA-agente ‘n klein babatjie by @KCI-lughawe ‘n liggaamsondersoek gee. Eks seker dit is bietjie verregaande.”
Die vervoerveiligheid-administrasie (TSA) het kommentaar oor die foto op hulle blog gelewer: “Ons het die gesin se ondersoek weer nagegaan en gevind dat die kind se stootwaentjie die alarm tydens die plofstof-skanderingsproses laat afgaan het. Ons beamptes het die gepaste skanderingsprosedure op die familie toegepas en hulle het hulle samewerking gegee en was kort daarna by hul hek.”
Lees meer by msnbc.com