Australië bied glo beste vooruitsigte
2012-02-03 09:03
Sydney– Australië is aangewys as die land waar die meeste voornemende immigrante sal wil werk en woon.
Dié land het Amerika uitgestof in ’n internasionale meningspeiling deur die bank HSBC oor die beste land wat lewensgehalte en loopbaanvooruitsigte betref.
Volgens die Expat Explorer-opname is lande deur meer as 3 000 mense in meer as 100 lande beoordeel vir onder meer huisvesting, kos, gesondheidsorg en pendeldienste.
Australië se sonnige strande en bestendige ekonomie het voorrang gekry bo die Verenigde State se sterk punte – die beste loopbaanmoontlikhede met die grootste vergoeding, aldus die opname.
– Volg Nuus24 op Twitter
- Reuters