Arabiese lande vry weer na toeriste
2011-11-10 14:46
Londen – ‘n Vlaag van opstande en bewindsveranderinge regoor
Noord-Afrika en die Midde-Ooste het toerisme in die gebied swaar getref, maar
optimisme vind weer wortel.
Bekende strandoorde soos Egipte se Sharm el-Sheikh het vir die
eerste deel van die jaar leeg gestaan soos reisagente Europese toeriste uit die
gebied ontruim het.
Ook in Libië en Sirië was vakansiegangers nie gewillig om
die oproerigheid in dié lande aan te durf nie, berig die BBC.
Soos 2011 egter tot ‘n einde loop, raak die gebied se
grootkoppe van toerisme optimisties oor die terugkeer van toeriste.
“Tunisië is ‘n vreedsame land en nou is ons ook ‘n
demokrasie,” het Moncef Battikh van die Tunisiese nasionale toerismekantoor
gesê.
“Mense moet kom om die nuwe Egipte te sien,” het Mohamed
Yousef, die hoof van die Egiptiese toermaatskappy Ramasside Travel, gesê. “Ons
is nou vry en mense moet ons aanmoedig.”
“Toeriste keer klaar terug na ons land,” het hy bygevoeg. “Egipte
het verlede jaar 15 miljoen oorsese besoekers ontvang en vanjaar sal ons ten
minste 10 miljoen haal.”
– Lees meer hier.
– Volg Nuus24 op
Twitter.