Air Zimbabwe weer in die sop
2011-05-19 11:57
Harare – Air Zimbabwe het talle vlugte gekanselleer nadat ‘n krediteur ‘n gehuurde vliegtuig teruggeneem het oor $460 000 (sowat R3 miljoen) se onbetaalde skuld.
Gevolglik vlieg die lugredery nou slegs een roete tussen Harare en Londen en twee plaaslike roetes, het die uitvoerende hoof Innocent Mavhunga aan AFP gesê.
Die lugredery het ‘n Boeing 737-500 van Zambezi Airlines gehuur, maar die vliegtuig is gevolglik teruggeneem en Air Zimbabwe moes talle vlugte in die streek kanselleer.
“Ja, daar was probleme met Zambezi Airlines, maar ons onderhandel met ons vennote,” het Mavhunga gesê
“Slegs vlugte in die streek word hierdeur geraak.”
Die jongste krisis kom slegs dae nadat dié lugredery deur die internasionale lugvaartvereniging Iata geskors is oor skuld van $280 000 (byna R2 miljoen).
Volg Nuus24 op Twitter
- AFP