Air Mauritius vlieg nie meer na Durban
2012-02-22 13:30
Air Mauritius beplan om vanaf Oktober vlugte na Durban te staak, maar toeroperateurs is vol vetroue dat hul klante wat reeds hul vlugte bespreek het, sal kan help om alternatiewe reëlings te tref, het iafrica berig.
Dít is deel van die lugredery se besparingsplan.
Daar word verwag dat die impak wat dit op Suid-Afrikaanse reisigers sal hê minimaal sal wees omdat die lugredery beplan om 'n tweede daaglikse vlug vanaf Johannesburg bekend te stel.
"Ons is teleurgesteld oor die nuus omdat ons Durbanse passasiers nie meer 'n direkte vlug na Mauritius sal hê nie. Planne word beraam om diegene te help wat reeds besprekings gemaak het," het Maragaret Park, produkbestuurder by Holiday Parks, gesê.
Volgens Terry Munro, besturende direkteur van Beachcomber Tours, mag daar dalk 'n paar besprekings vir Desember wees, maar hulle sal dit vinnig uitsorteer.
Passasiers wat reeds met Air Mauritius bespreek het sal teen geen ekstra koste op 'n alternatiewe vlug geplaas word.
Die lugredery het hul beplande skedule verlede week aangekondig nadat hulle verliese gelei het.
– Volg Nuus24 op Twitter.