Air France voltooi wêreld se 'groenste' vlug
2011-10-19 12:36
Kaapstad – Air France beweer hy het ‘n vlug met die laagste koolstofdioksied-uitlating ooit voltooi deur gebruik te maak van ‘n mengsel van volhoubare biobrandstof, optimale vlugprosedures en ‘n verlaagde gewig aan boord.
Die kommersiële 80 minute lange vlug van Toulouse na Parys het slegs die helfte van die kweekhuisgasse van ander vlugte van dieselfde lengte uitgelaat, sê die lugredery.
Die vlug is gedryf deur ‘n mengsel van konvensionele keroseen en biokeroseen wat gemaak is van hidrogeneerde, gebruikte groente-olies.
Die lugredery beweer dat dit ‘n hernubare, volhoubare energiebron vorm wat geen van die omgewing- of sosiale impakte het nie.
– Lees meer by Travelmole
– Volg Nuus24 op Twitter