Aanvraag na vlugte in Brasilië verdriedubbel
2012-01-26 14:30
Melbourne – Die aanvraag na vlugte in Brasilië het in die laaste dekade byna verdriedubbel terwyl die lughawestelsel onder druk is om voor te berei vir die 2014 Wêreldbeker en Olimpiese Spele in 2016, het die Herald Sun in Melbourne berig.
Brasilië se lugvaartagentskap het gesê die aanvraag na vlugte het die afgelope tien jaar met 194% toegeneem. Die aanvraag vir 2011 het met 16% toegeneem in vergelyking met die vorige jaar.
In 2002 het lugrederye altesaam 34,3 miljoen mense op vlugte vervoer wat uit Brasilië vertrek het. Dié syfer het verlede jaar na 107,8 gestyg, het die agentskap bekendgemaak.
Terwyl lugrederye dié toename verwelkom is lughawens oorvol en is daar meer vertragings as gewoonlik.
– Kliek hier om die volledige storie te lees.
– Volg Nuus24 op Twitter.