1Time wen gesogte toekenning

2012-09-26 12:23

Johannesburg – Die 1Time-lugredery het vir die vierde agtereenvolgende jaar die World Travel Awards-toekenning (WTA) vir die beste laekoste-lugredery in Afrika gewen.

Die toekenning word beskou as die hoogste eerbewys wat ‘n lae koste lugredery kan ontvang. Die stemproses het ‘n jaar lank geduur en meer as 791 000 stemme in 171 lande is ontvang.

Blacky Komani, 1Time se uitvoerende hoof, sê die toekenning is 'n bewys van die lugredery se algehele verbintenis tot voortreflike kliëntediens.

“Die WTA is ‘n maatstaf vir die reisbedryf en is ‘n goeie aanwyser oor of ‘n lugredery sy beloftes van doeltreffendheid en kliënte tevredenheid, nakom. 1Time is verheug oor hierdie toekenning wat ons vir die vierde agtereenvolgende jaar kon kry,” het Komani gesê.

As die Afrika-wenner sal 1Time nou aan die WTA Grand Final deelneem wat 12 Desember in Nieu-Delhi, Indië, gehou word.

– News24

– Volg Nuus24 op Twitter