10 roetes om met jou fiets plat te ry
2011-02-10 16:14
Die Cape Argus Pick 'n Pay-fietstoer is weer om die draai en fietsryers is landswyd besig om die wiele aan die rol te kry.
Maar jy hoef nie ‘n gesoute fietsryer te wees om dié sport te geniet nie.
Ry een van hierdie roetes as jy lus is vir ‘n uitdaging, of sommer net ‘n uitstappie.
Helshoogte Pas, Stellenbosch
Jy gaan ‘n paar sterk bobene nodig hê om dié een uit te trap. Dis harde werk tot in Franschhoek, maar definitief die moeite werd om die afdraende terug aan te pak.
Volg die Uilroete, Oos-Kaap
Hierdie 50 km perdeskoen-roete bied pragtige uitsigte van die Kompasberg.
Midlands Meander, KwaZulu-Natal
Jy kan hier ‘n twee-dag begeleide toer neem. Dit is ideaal vir padryers en bergfiets liefhebbers.
Long Tom-pas, Mpumalanga
‘n Lekker roete teen die pas op. Maak ‘n dag daarvan deur ‘n sirkelroete te doen, of geniet net die afdraende terug.
Rustig deur die Karoo
Hier kan jy uitdagende roetes op stil, plattelandse paaie ry, omring deur pragtige natuurskoon.
Thabo Mofutsanyana
In die Oos-Vrystaat is daar roetes om enige vlak van fiksheid tegemoet te kom. Probeer Ficksburg, Clarens en Golden Gate Nasionale Park.
Wiele op die Weskus
Bring jou bergfiets en ry die grondpaaie plat tussen die wilde blomme.
Tuinroete
Pak van die land se mees uitdagende passe aan of probeer een van die talle bergfietsroetes in die skadu van digte bosse.
Stop vir foto’s of ‘n piekniek by een van die interessante plekke langs die pad.
Battlefields
Sien van KwaZulu-Natal se mooiste berglandskappe op jou fiets.
Suikerbosrand, Gauteng
Hier kan jy kilometers se teerpad in ‘n natuurreservaat platry.