Top-snorkelplekke in SA
2012-04-12 13:15
Omring deur ‘n wêreld van seelewe en koraal bied snorkel vir jou die geleentheid om ‘n wêreld te verken wat miljoene ander nooit sal ervaar nie.
As jy die beste snorkel-ervarings wil geniet, sit hierdie vyf Suid-Afrikaanse bestemmings op jou lysie.
1. Sodwanabaai
Sodwanabaai is een van die beste plekke in die wêreld om te snorkel. Vir ‘n groot verskeidenheid van seelewe, tropiese riwwe en skeepswrakke is dit die plek waar jy wil wees,
2. Aliwalrif
Aliwalrif is aan die suidkus van KwaZulu-Natal en is bekend vir sy skeurtandhaaie, kouewater-vis en warmwater-rifvisse.
Dit is ook die tuiste van sagte en harde korale en geesdriftige duikers kan ‘n interessante uitstappie na ‘n skeepswrak maak.
3. Maputaland
In Maputaland in die noorde van KwaZulu-Natal kan jy by Cape Vidal naby St. Lucia tydens laagwater snorkel.
Die Kosibaai-natuurreservaat by die mond van die Kosi-mere op die Mosambiekse grens is ‘n fantastiese plek om te snorkel.
Die warm water oor die koraalrif maak dit ‘n heerlike plek om te besoek.
4. Protea Banks
Protea Banks is naby Shelley Beach, suid van Port Shepstone. Hier kan jy ‘n kykie kry van die Zambezi-haai en hamerkophaaie in die somer, sowel as skeurtandhaaie in die winter.
5. Knysna
Knysna is ‘n pragtige plek met fantastiese plekke om te duik en snorkel.
Coney Glen het rotspoele wat ideaal is vir diegene wat op soek is na pret in die son en ‘n ontspannende snorkeluitstappie.
Knysna is ook die tuiste van die Knysna-seeperdjie, ‘n skaars en pragtige skepsel. Met ‘n bietjie geduld en ‘n goeie oog mag jy dalk net een raaksien.
– Discover Africa
– Volg Nuus24 op Twitter
