Mission Impossible kan toeriste na Doebai lok
2011-11-02 10:32
Kaapstad – Doebai maak gereed vir ‘n toename in toeristegetalle wanneer die jongste film in Tom Cruise se Mission Impossible-reeks later die jaar op die grootskerm verskyn.
Dié rolprent Mission Impossible: Ghost Protocol bied ‘n fenomenale uitsig oor die stad, met die ster wat van die 124ste vloer van die Burj Khalifa, die wêreld se hoogste gebou, hang.
Beeldmateriaal wat van die 828 m hoë gebou verfilm is wys ‘n uitsig van 360 grade oor Doebai, insluitende die see, die stad, die woestyn in die verte en die onderdorp van Doebai.
“Hierdie film sal Doebai aan ‘n jong gehoor bekendstel en beklemtoon die pret en avontuurlustige kant van die Emirate waarby ons dink toeriste sal aanklank vind,” het Julie King, Doebai Toerisme se direkteur in Australië, gesê.
– Lees meer by news.com.au
– Kyk ‘n uittreksel uit die maak van die film hier.