Kulturele plekke om op Erfenisdag te besoek
2011-09-23 10:15
Suid-Afrikaners vier op 24 September Erfenisdag en die Moederstad het ‘n wye verskeidenheid van plekke om te besoek met ‘n ryk kulturele geskiedenis.
Vir diegene met ‘n liefde vir geskiedenis
Roundhouse
Dit is een van die mooiste en oudste geboue in Kaapstad. Die Roundhouse, wat in 1786 gebou is, het van ‘n klein, ronde huisie vir wagte verander in die gewilde besoekpunt wat dit vandag is.
Dit is ‘n nasionale monument en spog met besonderse uitsigte, drie luukse eetkamers en ‘n buite-area wat ideaal is vir ‘n gesellige kuier saam met vriende en familie.
Waar: Kampsbaai
Telefoon: +27 (0)21 438 4347
Webwerf: www.theroundhouserestaurant.com
Rhodes Memorial Restaurant en Teetuin
Hier kan ‘n ryk geskiedenis, ongelooflike uitsigte en watertand eetgoed alles op een plek gevind word
Dié restaurant staan langs die Cecil John Rhodes Gedenkplek, wat in 1912 gebou is om die voormalige eerste minister van die Kaap Kolonie te gedenk.
Waar: Rhodes Memorial, Kaapstad
Telefoon: +27 (0)21 687 0000
Webwerf: www.rhodesmemorial.co.za
Vir die politiek-gesindes
Parlementshuise
Dié huise is in 1885 gebou. Moenie dit miskyk wanneer jy deur die Tuine stap nie, maar neem gerus ‘n begeleide toer en sien waar ons wette geskryf word.
Waar: Plein-straat, Kaapstad
Telefoon: +27 (0)21 403 2911
Webwerf: www.parliament.gov.za
– Vind uit oor meer plekke om op Erfenisdag te besoek
– Volg Nuus24 op Twitter