Kuier tot laat in die Kompanjiestuine
2011-12-05 13:35
Kaapstad – Die Stad Kaapstad se Kompanjiestuin in Queen Victoria-straat sal langer oopbly tydens die feesseisoen.
Die tuin sal elke dag van 10 Desember tot 29 Februarie tot 20:30 oopbly.
Die normale sluitingstyd van 19:00 is verleng om besoekers die geleentheid te gee om die lang, somersdae te geniet.
“Families en besoekers word aangemoedig om die beste te maak van die verlengde ure. Die tuin is die ideale plek vir ‘n stappie of ‘n rustige piekniek op die gras in die koel aandluggie,” het die stad se burgemeesterskomiteelid vir gemeenskapsdiens, Tandeka Gqada, gesê.
– Tourism Update
– Volg Nuus24 op Twitter