'Groen'-fietstoere binnekort in Houtbaai
2011-09-05 14:43
Kaapstad – Houtbaai, wat soms grappenderwys na verwys word as die Republiek van Houtbaai, is ‘n vissersdorpie buite Kaapstad en is bekend vir sy gemeenskap wat op eko-vriendelike, groen-projekte fokus.
Die plaaslike toeroperateur Richies Ride se eienaar, Richard Fouche, het besluit om te fokus op die eko-vriendelike uitkyk van die dorp en begin een van die dae met fietstoere binne Houtbaai.
Vanaf 1 Oktober 2011 sal Richies Bike fietstoere binne Houtbaai aanbied wat al die groot aantreklikhede in die omgewing sal insluit.
Die toere sal verskillende opsies insluit, onder andere ‘n bootrit na robeiland, ‘n besoek aan die gewilde ‘World of Birds’ – die grootste voëlpark in Afrika – en ‘n besoek aan die Imizamo Yethu Township.
Fouche hoop om meer mense na Houtbaai te lok en om meer bewustheid te kweek vir groen-projekte en die natuurlike skoonheid van Suid-Afrika.
– Vir meer inligting, e-pos contact@richies-ride.com
– Volg Nuus24 op Twitter