Gaan Rond en Bont in Franschhoek
2011-09-23 12:12
Kaapstad – Die Franschhoek-wynvallei het Franschhoek Rond en Bont bekend gestel ná die sukses van sy kos-en-wyn-roete.
Die nuwe roete is daarop gemik om besoekers na die omgewing te lok en om die diversiteit in die verskeie gemeenskappe te ervaar.
Die roete dek Dwarsrivier, ‘n buurstreek langs Franschhoek, gemeenskappe in Wemmershoek, Bosbou, Groendal, Mooiwater, Tyoyombeni, plase en die dorp van Franschhoek.
Dit bied aan besoekers ‘n verskeidenheid van natuurlike en moderne ervarings, insluitende wynproe-geleenthede in ‘n sjebien, kunsuitstallings, tradisionele kos en ‘n besoek aan ‘n sosiale-geskiedenismuseum.
Nog ‘n hoogtepunt op die roete is ‘n besoek aan die laerisiko-gevangenis Drakenstein- korrektiewe dienste waar Nelson Mandela sy laaste dag in die tronk deurgebring het.
– Lees meer by Tourism Update
– Volg Nuus24 op Twitter