Ervaar Kaapstad soos 'n toeris
2011-09-05 21:42
Kaapstad Toerisme moedig plaaslike reisigers en Kapenaars aan om die meeste te maak van dié bekroonde bestemming met die bekendstelling van sy jongste inisiatief, My Kaapstad.
Die veldtog is nou in sy derde jaar en word geko-ordineer deur Kaapstad Toerisme, in samewerking met onder andere die Tafelberg-sweefspoor, die V&A Waterfront, Kaappunt, City Sightseeing en verskeie ander rolspelers.
Die idee is om plaaslike inwoners aan te moedig om hul stad te ervaar soos ‘n toeris sal – soms met nuwe oë.
In 2010 was Kaapstad benoem as Afrika se voorste bestemming by die World Travel Awards en is hierdie jaar weer genomineer in dieselfde kategorie, sowel as Afrika se voorste strand-bestemming en die wêreld se voorste bestemming.
Die veldtog val saam met ander inisiatiewe soos Creative Week Cape Town en konserte sal op 25 en 27 September gehou word om saam met vieringe van wêreld-toerismedag te val.
– Lees meer by Breaking Travel News
– Volg Nuus24 op Twitter