Beste nasionale parke vir safari’s in Afrika
2011-11-14 08:47
Jy is al lankal lus vir ’n goeie dosis Afrika-wildlewe maar jy is nog nie heeltemal seker watter land jy moet besoek of watter park jy moet kies om die beste wild-ervaring te kry nie.
Hier is van ons kontinent se beste nasionale parke vir safari’s in Afrika om jou te help met hierdie belangrike besluit.
1. Die Namib-Naukluft Nasionale Park (Namibië)
Namibië se Namib-Naukluft Nasionale Park is ’n moet. Nou wonder jy seker hoe op aarde enige iets behalwe tolbossies in hierdie dorre woestyn kan oorleef.
Wees gerus - hierdie nasionale park is die grootste in Afrika en is propvol lewe; van ’n groot versamling fauna tot hiënas, jakkalse en gemsbokke en ’n wye verskeidenheid voëlspesies is volop in hierdie park.
2. Chobe Nasionale Park (Botswana)
Chobe Nasionale Park spog met een van die grootste wildsametrekkings in Afrika. Migrerende troppe is ’n alledaagse verskynsel in hierdie park.
Chobe se belange lê hoofsaaklik in bewaring en die park spog met ’n ryk olifantbevolking.
Hierdie park is een van die mees gewildes in Botswana en het vier verskillende eko-sisteme wat geleenthede vir staptogte en wildkyk-toere bied.
Hier kan jy ’n safari onderneem of oor die graslande met ’n warm lugballon sweef.
3. Die Kruger Nasionale Park (Suid-Afrika)
As jy droom om die Groot Vyf in al hul glorie in ’n goed versorgde omgewing te sien, is die Kruger Nasionale Park net die plek vir jou.
Die hoogtepunte van hierdie park sluit eindelose gedeeltes van ongerepte landskappe, wild wat oraloor versprei is, asook boesman-rotstekeninge en die argeologiese vergaderplekke van Thulamela en Masorini in.
– Lees hier vir meer oor Afrika se beste nasionale parke.
– Volg Nuus24 op Twitter