Benin betower steeds
2011-09-28 13:49
Benin, ‘n klein voormalige Franse kolonie wat in ‘n groen hoekie van Wes-Afrika geleë is, is die oorspronklike tuiste van die boosaardige geloof van toorkuns (voodoo).
Benin is gevul met betowering en jy sal beelde van konings op trone en gode orals om jou vind.
Volg hierdie wenke om te verseker jy kry die beste uit jou besoek na dié interessante stukkie Afrika.
Abomey
As jy ‘n stad besoek wat se mure volgens die legende in menslike bloed bedek is en waar die koning nog ‘n troon het wat van menslike skedels gemaak is, kan jy maar weet jy is in vir ‘n ongewone ervaring.
Abomey, wat voorheen as Dahomey bekendgestaan het, was eens op ‘n tyd een van die magtigste en mees brutale koninkryke in Wes-Afrika en sy groot koninklike kompleks domineer steeds die stad.
Daar is twee konings in Abomey waarvan een ‘n silwer gesigmasker oor sy mond en neus dra om te voorkom dat hy per ongeluk die kieme van eenvoudige mense insluk.
Ganvié
Ganvié, op die Nakoué-meer, is iets om te aanskou.
As daar gesê word dat Ganvié op die Nakoué-meer sit, word dit letterlik bedoel.
Die dorpie dryf letterlik op stelte in die middel van die meer.
Maar hoe het Ganvié tot stand gekom? In die 18de eeu het die leiers van Dahomey die gewoonte gehead om al die lede van die kleiner koninkryke gevange te neem en as slawe aan te hou.
Om te verhoed dat sy mense gevange geneem word het koning Abodohoué homself in ‘n reier verander en oor die omgewing gevlieg totdat hy ‘n gepaste, afgeleë gebied gevind het om die koninkryk te hervestig.
Dit was in die middel van die meer en om die dorp in die water gebou te kry het koning Abodohoué homself van ‘n voël in ‘n krokodil verander. Hy het gevolglik die meer se ander krokodille oortuig om hom te help om sy dorpie oor te bou.
– Lees meer oor Benin by BBC Travel
– Volg Nuus24 op Twitter