Korrupsie is nou ten ene male 'n kanker in Suid-Afrika wat ons nie baie gou sal kan stopsit nie.
Voertuigtoetssentrums is maar een van die instansies wat al van wanneer af berug is vir korrupsie. Dink maar aan al die gevalle waar verkeersdepartemente en beamptes betrokke was in korrupsie.
Leerlingbestuurders wat herhaaldelik eksamens dop vir daai bestuurderslisensie, om maar net weer gevra word om volgende keer weer terug te kom, weer 'n afspraak te maak, nodige dokumente te verkry en dan weer vir die soveelste keer in die toets/eksamen misluk.
Beamptes wat omkoopgeld kry om net die lisensie vir die "desperate" kandidaat- bestuurder te laatkry. Korrupsie in die, glo dit of nie, onderwysdepartemente waar "baantjies vir boeties" letterlik aan die orde van die dag is: tenders wat toegeken word aan persoon/ persone wat iemand in die hoë kringe ken; poste wat geskep word en beklee word op presies dieselfde manier: iemand ken vir iemand.
Selfs sport en kerke loop ook deur en dit kom nou ook hoe lank al aan.
Van die vervloeking sal ons gewis nie gou ontslae raak nie en is besig om aan die samelewing se murg en been te knaag totdat daar nie meer 'n greintjie menslikheid gaan oorbly nie of tot ons gaan verval tot veel laer as Zimbabwe!
Almal (regeringslui) het steen en been gekla en gesoebat dat daar tog nie op die "gravy-train/ soustrein" gespring moet word nie; veral toe die ANC aan bewind gekom het en toe spring al wat leef en beef pens en pootjies op daai trein; dit blyk asof die trein in hul voortuin en agterplaas ontspoor en omgekantel het.
Ek is bevrees die kanker gaan nog lank by ons bly, solank as wat Zuma en andere voortgaan met die tendens!
Tensy iets/ iemand drastiese stappe en/of veranderinge teweeg gaan bring, en ek is bevrees dat solank as wat korrupsie hier is, sal ons sit met die siek samelewing wat ons het.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
