Wat het ons staatspresident nou weer kwyt geraak?
In sy jongste toespraak – sy eerste sedert Mangaung – het President Jacob Zuma van kultuur gepraat en het jong swart Afrikane aangeraai om nie 'n wit-kultuur aan te neem nie.
Hy't die koop van 'n hond as voorbeeld gebruik. Hy't gesê om 'n hond te koop, om dit op uitstappies en na die veearts te neem iets is wat uniek aan die wit-kultuur behoort te wees.
Zuma het ook met die jonger generasie gepleit om nie hul vel ligter of hul hare meer reguit te probeer maak nie, omdat hulle nooit "wit" sal wees nie. Die wat die toespraak aanskou het, het gelag en ek kan verstaan hoekom.
Pleks van mense weer warm onder die kraag te kry deur oor ras te praat, sou dit dalk beter gewees het vir die president van die reënboognasie om oor 'n "Suid-Afrikaanse" kultuur te praat. 'n Kultuur wat uniek is aan ons land, ongeag aan watter rassegroep ons behoort.
Maar nou maak hy liewer die verdeeldheid, wat mense vir jare lank probeer het om te verwyder, sterker. Knap gedaan Zuma, knap gedaan!
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
