Baie jare gelede het ’n ou man aan my gesê: “Only a wise man knows his true father”
Ek was redelik verontwaardig, want WAT probeer die man my vertel? Dat my moeder goedkoop was alhoewel hy haar glad nie geken het nie?
Ek het so oor die jare daaroor gedink en hy maak nogals sin.
Hoe weet jy of jou pa, wel jou REGTE biologiese pa is?
Ja, dit staan wel so op jou geboortesertifikaat en jy mag dalk sy van dra. En ja, selfs jou ma het jou dit vertel en jy glo haar.
Maar HOE wéét jy presies? Dit is alombekend dat baie vaders wel onder die indruk geplaas word dat die kind of kinders syne is omdat die moeders ‘ongemaklike’ vrae en situasies wil verhoed.
Dalk doen sy dit slegs in die belang van die voortbestaan van die kind.
Nou vind ek dit baie interessant dat redelik baie mense hulle stambome navors. Watter waarborg het hulle dat daardie inligting akkuraat is? Op papier mag dit wel akkuraat klink en of wees, maar IS dit akkuraat in die werklikheid?
Een manier is dus om DNS-toetse te doen as jy seker wil wees. Maar hoe doen jy DNS-toetse as die mense vergete al oorlede is?
So, daai ou man het wyse woorde gespreek...
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
