‘Hartseer boer soek nie 'n vrou’
Jong ja, ek sou sê hierdie program (Boer soek ’n Vrou) word nie reg gehanteer nie.
Op hierdie stadium word slegs gekies die wat die meeste briewe gekry het. Die wat die meeste briewe gekry het kry nie eers sy eie tyd om elkeen persoonlik te ontmoet en te leer ken nie, moet sommer op een slag klaar kies – dis nie eerlik nie en plaas die boere in ongemak.
My opinie en raad is: Gee elkeen ten minste een maand eers kans. Die boere moet elkeen Boer soek ’n Vrou e-posadres, wat deur die regiseur van Boer soek ’n Vrou verskaf word, ontvang en dan kan hulle in hierdie maand die skryfsters leer ken en aan mekaar skryf deur heirdie e-posadres.
Ons as kykers kan op hoogte gehou word hoe dit vorder by elke boer, nie net die wat die meeste briewe gekry het nie.
Dan na hierdie maand kan die regiseur van Boer soek ’n Vrou die ontmoetings reël wat ons kykers ook wil sien. Elke boer kan sy gunsteling vyf kies wie hy dink hy aan kykers bekend kan stel en wat die ontmoeting gaan bywoon. Dan maak dit vir hulle ook makliker en laat hulle meer op hul gemak voel.
Van daar af kan dit gevolg word soos die program aangebied was. Die tyd is ook te kort, maak dit langer en meer die moeite werd.
Die boere moet ook ’n eed aflê dat hulle nie hul verlede se vroue/ meisies met die nuwes wat hulle gaan ontmoet en leer ken, gaan vergelyk nie. Ou koeie moet begrawe bly – vergeet van die verlede kyk vorentoe.
Kan daar ook ’n program gereël word “Vrou soek ’n boer”? Baie vroue is ook boere en wil man-boere ontmoet of mans wat op ’n plaas kan woon.
Daar is baie stadsvroue wat baie graag boervroue wil word, dit is hul droom om eendag met 'n boer te trou.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
