Die sinnelose, brutale, grusame moorde wat daagliks in die land gepleeg word, behoort elkeen met walging en afsku te vervul asook diepe bekommernis oor die morele peil van ons samelewing en waarheen ons op pad is.
Of het ons so afgestomp geword dat hierdie perverse, dierlike dade ons nie meer diep raak nie?
En dan praat ons van ons beskawing en beklemtoon menseregte en beskou die doodstraf en lyfstraf as immorele barbaarse gebruike wat nie tuishoort in 'n verligte, liberale demokrasie nie terwyl ons samelewing tot in sy wese verrot is.
Hoe kan ons toelaat dat gevoellose monsters, dikwels onder die invloed van drank en dwelms, ons samelewing terroriseer?
Booswigte sonder menslikheid en inhibisies, aangedryf deur perverse instinkte en moordlus, hou die wetsgehoorsames gevange en word toegelaat om ons beskawing te vernietig.
En dit terwyl ons weet dat daar 'n oplossing is... die doodstraf.
Selfs hierdie primitiewe monsters se instink om te lewe, sal die meerderheid weerhou van moord as hulle aan die tou dink. Bring dit terug voor dit te laat is.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
