Ek sweer ek het dit nou gehad met die honde...
Ek gaan hulle nog een kans gee.
Die ding is, ek weet regtig nie meer wat om te doen nie, want dis elke dag iets anders.
En dit maak nie saak as ek goed hoog ophang of wegsteek nie, want Johnson kan al meer as ‘n meter hoog spring. So dalk as iemand weet van mense met ‘n plaas wat twee Jack Russels soek, laat weet my.
Ek wil regtig nie die honde weggee nie, maar ek raak nou moedeloos.
Behalwe ‘n R700 boksak het hulle al die volgende goed ook bygekom...
1. ‘n R450 Rugz-hondemandjie wat die veearts my belowe het sal ten minste een jaar hou (wel, hy het dit net net verby die drie weke merk gemaak)
2. Twee kampstoele. (Nie eers myne nie, maar mense wat by my gebraai het).
3. 20 m tuinslang is in 400 vyf cm stukkies gekou.
4. Hulle kom nie meer in die huis nie, maar ek dink die honde kan teleport soos op Startrek, want daar is nou al drie handoeke, 20 onderbroeke, kombuis vatdoeke, en ‘n remote opgevreet.
5. Twee besems
6. Een rubber hark.
7. Drie sakke charcoal (hulle skeer nie net die sak nie, hulle vreet actually die charcoal) — En vir die wat wonder, ek bêre die charcoal binne in my weber onder sy deksel.
Die hond spring op die weber, balanseer op een of ander onverklaarlike manier homself, stamp die deksel af en trek die sak charcoal uit die weber en vreet dit op.
8. Al die sif draad, mess grid en enige ander ding wat ek opgesit het om hulle uit die tuin te hou. En ja, hulle sluk actually stukke sif draad in. Jy sien dit in hulle mis twee dae later.
9. Klein boompie wat by my agter deur gestaan het. Hulle het actually ‘n hele boom opgevreet!
10. My potplant binne die huis is vernietig. Weereens, dis asof Johnson vinnig in hardloop as die deur oop is en voor jy hom kan vang of slaan, byt hy alles, gryp ‘n speaker draad en spring op al die beddens en banke.
11. ‘n Grasperk — Hulle myn vir steenkool of goud. Die rede hoekom ek dit sê, want hulle soek definitief nie vir krieke nie, want geen normale kriek bly 20 m onder die grond nie. Dis gevaarlik om na donker op my grasperk te loop, want jy mag dalk net in ‘n skag inval.
12. Twee hondebakke. Weereens, as dit nie vir die feit was dat ek stukkies plastiek in hulle mis gesien het wat die selfde kleur as die bakke is nie, sou ek gedog het my bure het die bakke gesteel, want hulle was gone.
13. Johnson het nou die aand al die honde in die omtrek gaan byt. Hy het uitgeglip, en van hek tot hek gehardloop, die hond aan sy neus gegryp en aan hom geruk asof hy ‘n kombers is. Voor ek by hom kom, hardloop hy na die volgende hek. Hy is rats en my 100 m sprint spoed is ook nie te wonderlik nie. Ek moes hom eventually tackle en het my vir twee dae lank styf geval.
14. Die enigste goed wat nog splinter nuut en sonder enige skade is, is die “chewing toys” wat ek vir hulle gekoop het. Ek dink hier is ‘n consumer complaint, want die mense wat die “chew toys” maak het OBVIOUSLY geen idée waarvan Jack Russels hou nie. Dalk kan die honde gedagtes lees, en hulle vreet net die goed wat mens nog soek.
My buurman het juis gister gesê hy is oortuig daarvan dat satan homself dalk in Johnson manifesteer…
Dis waaraan ek nou kan dink, maar onthou, ek het die honde nou maar vir vier maande, en apparently leef Jack Russels nogals lank.
Dis ‘n vonnis, ek sweer!
Ek het gedink ek sal hulle nog een kans gee of dalk twee, maar dit kan nie so aangaan nie.
So, hartseer en als, ek begin regtig dit oorweeg om hulle dalk weg te gee.
Hulle is nog baie jonk, Molly is ses maande en Johnson is nege maande.
Altwee is opreg en Johnson het papiere.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
