Wikipedia het ’n opwindende nuwe funksie bekendgestel waar ‘n leser sy eie e-boeke kan saamstel uit Wikipedia-artikels.
Enige Wikipedia-artikel of ‘n versameling artikels kan nou verwerk word in persoonlike e-boeke wat gelees kan word op enige toestel wat die EPUB formaat gebruik. EPUB-dokumente kan gelees word deur ’n wye reeks mobiele toestelle soos slimfone, tablet-rekenaars en e-lesers wat van e-ink gebruik maak.
Alhoewel internettoegang al meer toeganklik word met selfone, is dit nog nie orals so redelik beskikbaar nie. In Suid-Afrika is internet toegang ’n luukse en om Wikipedia te lees kan veral op die platteland nogal ’n uitdaging wees.
Tomasz Finc van die Wikipedia-stigting is van mening dat EPUB-dokumente met gemak gebruik word in die aflyn- omstandighede. Hierdie dokumente kan met gemak versprei word en byna elke platform het ’n toepassing wat EPUB-dokumente ondersteun.
Gaan na Wikipedia, en soek na artikels oor die onderwerp wat jou interesseer. Klik in die linkerkantse keuselys van Wikipedia- kies “print/export”
Kies daarna “start book creator”.
Hierna sal ’n bewerkingsvakkie bo die artikels wat jou interesseer verskyn.
Om ’n artikel in jou e-boek toe te voeg, kies dan “add this page to your book”.
’n Gerieflike funksie is om met die muis te beweeg oor die artikel-skakels van die relevante artikels en dan die opsie “ad linked Wikipedia page to your book” te kies om die artikels na jou e-boek te skuif.
Dit is ook moontlik om met ’n klik ’n hele kategorie artikels te skuif na die e-boek. Wikipedia kan ook artikels voorstel wat by die gekose artikels aansluit, kies “suggested pages” om van hierdie opsie gebruik te maak.
Na die gebruiker tevrede is dat voldoende artikels vir e-boek gekies is kan die e-boek nou saamgestel word. Kies nou “show book” en die bewerkpaneel “manage book” sal beskikbaar word.
Gee dan die e-boek ’n titel, skep hierna hoofstukke en skuif die artikels rond soos die gebruiker dit prakties vind.
Die e-boek kan nou as ’n EPUB of PDF-dokument afgelaai word.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
