Die regering het sy mense gefaal!
Moeders, vroue en kinders se trane en smekinge val op dowe ore. Sedert 1994 het die getal verkragtings konstant bo 110 gevalle per 100 00 van die bevolking gebly. Die marteling, verkragting en daaropvolgende moord van Anene Booysen kan skynbaar die regering se sienswyse oor die doodstraf verander.
Lewenslange tronkstraf vir die skuldiges is nie 'n gepaste straf nie; nie vir hulle of enige voornemende verkragters, moordenaars of ander geweldadige oortreders nie. Hoe kan jy die pyn, marteling wat sy moes deurmaak regverdig deur die misdadigers 'n "sorgvrye" lewe agter tralies te gee as straf? Al les wat ander voornemende verkragters/misdadigers daaruit gaan leer, is dat jy met jou lewe van so 'n onmenslikheid daarvan gaan afkom en jy kry boonop nog gratis, kos, klere en onderdak!
Sal Anene en talle slagoffers voor haar, tevergeefs gely en gesterf het? Gaan die regering weer verkragters en ander erge misdadigers met "sagte-handjies" hanteer? In die geval (Anene) sal die lewenslange tronkstraf onvanpas wees.
52 160 gevalle van verkragting is van 1994 - 1997 aangemeld! As 52 000 min of meer 0,8% van die bevolking beteken, kom dit daarop neer dat meer as een miljoen verkragtings plaasgevind het. Een uit elke vier vroue word daagliks verkrag en die mans is duidelik nie ingesteld om dit as 'n wandaad van hul kant af te erken nie; inteendeel, lê hul die blaam by die slagoffer(s).
Wat 'n klomp twak! Kindermishandeling het byna verdubbel vanaf 1993 - 1994 tot 2003 - 2004 van 3 070 tot 6 504 gevalle! Nou wonder 'n mens: watter soort "spesie" mans woon in Suid-Afrika; wat vroue, kinders, moeders en vroue so laag ag!?
Wat wil hulle daardeur bereik? Is dit hulle manier om hul dominansie/ manlikheid oor vroue wil bewys? Klaarblyklik sal die regering nou ook op die "wa" wil spring en sê dat hul gekant is teen verkragtings; siende met die oog op komende verkiesings, maar volgens statistieke het hulle baie min gedoen of reggekry om die euwel te stop of te tem.
As 'n mens dink dat byna 20 jaar van demokrasie byna aangebreek het, lewe vroue en kinders nog steeds met 'n vrees eie aan barbaarse beskawings.
Hulle is selfs nie eens in hul eie wonings, tuistes en met sogenaamde "familie, vriende en/of kennisse" veilig nie. Die regering sal dit ernstig moet oorweeg om die doodstraf weer in te stel vir verkragters en ander gru-misdade, al moet 'n referendum daarvoor uitgeroep word.
Lewenslange tronkstraf vir die laakbare ootreders wat Anene Booysen verkrag, verbrysel en vermoor het, sal nie die boodskap uit dra dat sulke wandade nie meer in Suid-Afrika geduld sal word nie! Slegs die doodstraf sal dit hard en duidelik uitspel!
Mag sy nie tevergeefs gesterf het nie!
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
