Die prys vir ‘n liter brandstof gaan weer volgende maand styg... na verwagting met 80 sent ‘n liter. Ekonome meen die onrus in die Midde Ooste en die swakker geldeenheid is die grootste verswarende faktore vir die styging.
Vir my is dit kommerwekkend.
Ek het sopas vrede gemaak dat ek nou meer as 40 sent ekstra vir ‘n liter brandstof moet betaal, en nou hoor ek dat ek volgende maand méér sal moet opdok. Onaanvaarbaar!
Ek weet nie presies hoe die brandstofprys bepaal word nie, maar moet beslis ‘n verandering kom ten opsigte van hoe hierdie verhogings uitgewerk word.
Ons salarisse gaan elke jaar met tussen 5 en 8 persent op (as ons gelukkig genoeg is), maar die petrolprys styg met aansienlik meer elke jaar. Dan moet ‘n mens nog die stygende elektrisiteits- en kospryse in ag neem.
Ek wil hieroor staak.
Suid-Afrikaners staak so maklik oor ‘n reeks ander goed wat hul sak ruk. Die e-tolstelsel, lone vir plaaswerkers ens. Hoekom dan nie oor die brandstofprys nie?
As ons dit net heeltyd aanvaar, sal dit net aanhou styg en ons sal maar net moet aanhou betaal.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
