Goeie dag, my naam is Hannes du Preez en ek rook.
Liewer: ek is melaats, ek is 'n gevaar vir die samelewing, ek is ‘n skurk en laer as ‘n moordenaar... Wel dis hoe rokers geklassifiseer word deesdae. Kyk, ek het nie ‘n probleem daarmee nie, glad nie. Indien julle voel ek euwel omdat ek rook, is dit maar julle probleem. Kruisig my of stenig my, of behandel my erger as ‘n misdadiger... Of wag, ek’s ‘n roker – ek is ‘n misdadiger.
Goed, klaar geraas. Maar kom ons dink ‘n bietjie: Is my rook werklik erger as die kar voor jou se uitlaappyp, veral as die swart wolke daaruit borrel?
Word my bestuursvernuf aangetas wanneer ek rook?
Indien jy nee geantwoord het op die bogenoemde vrae, lees verder.
Reg, nou ek ken my foute. Ek het baie, ek is net ‘n mens. Ek rook, en ek hou daarvan om elke nou en dan na ‘n goedkoop restaurant te gaan (wanneer ek dit kan bekostig en die brandstofpryse nie elke tweede week styg nie).
By die betrokke restaurant aangekom, rokerstafel, dankie. Ons stap verby die rookvry-area en sien dat dit stampvol is. By die rookarea gekom. Dit was besig, maar daar was nogsteeds ‘n redelike aantal tafels oop.
Alles gaan hunky-dory. Van die mense verlaat die tafels, en nuwes kom by – soos in enige restaurant. Die betrokke paartjie, redelik ouer as ons, bestel, en na ‘n ruk begin hulle kla oor al die rook.
‘n Persoon wys toe vir hulle uit dat hulle in die rokersarea sit. Hulle het dit geweet erken die man, en verder erken hy die feit dat hulle nie wou wag vir ‘n vry tafel in die rookvrye afdeling nie.
Alles gaan weer spiekeries... Totdat die vrou begin skree dat almal net minder moet rook.
Nou vra ek alle nie-rokers: Was dit regverdig, was dit gevraagd?
Indien jy nee geantwoord het op die bogenoemde vraag, lees weer verder.
Hier sit ons, in ons tronk want ons is rokers, en hier kom mense en jaag ons nog daar ook uit! Nou sal daar gesê word dat nie alle nie-rokers diesefde is nie en ek kan nie almal onder een kam skeer nie
Nou ja presies, nie alle rokers is dieselfde nie!
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
