Ek luister nou net dat Eskom baie stil is oor voorgenome tariefverhogings.
Volgens die nuus, beoog hulle om aansoek te doen dat tariewe verdubbel word oor die verloop van vyf jaar.
My probleem met die verhogings: Ek het geen beswaar teen tariefverhogings nie, selfs sou hulle dit verdubbel. Maar dit is nie net die krag se tarief wat verhoog word nie.
Die tarief wat ek tans betaal is R0.7987/ KWU. Dit beloop in rand-waarde, maar slegs R440. Wat wel my rekening geweldig hoog maak, is die ander kostes.
Diensfooie teen R14,31 per dag en netwerk kostes teen R17,47 per dag. Die einde van die dag beloop my rekening oor die R1600 waarvan slegs R400 vir krag is.
Ek kan verstaan dat steenkool pryse en dies meer die voorsiening van die krag beïnvloed, maar nie ander bykomende kostes nie. Moet die mense harder werk omdat dit duurder is?
In ’n tydperk van 4 ½ jaar het my krag verhoog vanaf R600 per maand na R1 600 per maand, waarvan die grootste verhoging diensfooie en netwerk-fooie is.
Ek wonder maar net hoe word die ander kostes geregverdig?
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
