Zuma verbreek dié belofte
deur Simon Riekert
2012-02-10 14:04
Gisteraand op eNuus was daar ‘n insetsel oor pres. Jacob Zuma se staatsboodskap.
Ek het gedink dit is nogal heel tydig uitgesaai want aan die anderkant van Johannesburg was die SABC besig om sy boodskap lewendig uit Kaapstad uit te saai.
Wat nog meer tydige, treffende joernalistiek was, was dat die insetsel verwys het na Zuma se toespraak verlede jaar. Daarin het hy, heel treffend en empaties, verwys na ‘n vrou wat aan hom geskryf het met haar klagte oor haar HOP-huis wat nog steeds lek, selfs na al haar klagtes.
“Niemand wil na my luister nie, toe skryf ek vir ons president”, het sy gesê.
e-Nuus rol toe terug na verlede jaar en herhaal Zuma se boodskap aan haar; daar sal na haar, en so baie ander wat hieroor kla, omgesien word.
Vinnig vorentoe, ‘n jaar later; eNuus wys dieselfde vrou en sy kla oor presies dieselfde probleem. Op ‘n vraag van die joernalis wat sy nou gaan doen, sê sy dat sy weer aan hom gaan skryf totdat hy sorg dat daar iets gedoen word (blykbaar moes die Gautengse provinsiale regering die aangeleentheid hanteer).
Die volgende antwoord laat my toe regop sit, “want hy is my president”.
Toe weet ek hoekom die ANC aan bewind bly, regardless… Vanjaar het Zuma weer oor twee klaers melding gemaak in sy boodskap.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.