Nuus24-lesers sê hul sê oor Saru se besluit om die Southern Kings in die Super-reeks te laat speel...
Hans Roetz: “Dit is nou ‘n groot terugslag vir die Lions. Die Kings gaan dit beslis nie maak nie.”
Gert Coetzee: “Nee dis nie ’n goeie besluit nie. Hoe kan jy ’n span insit wat nog nie eers die Curriebeker kon wen nie?”
Herman: “Ja hulle het ’n fout gemaak. Laat die Kings eers Curriebeker speel want op hierdie stadium kan hulle nie eers behoorlik wen in die Vodacombeker nie. Ek is baie teleurgesteld in Saru se besluit.”
Mimi Grobler: “Om ten koste van die Lions die besluit te neem voel ek, is verkeerd. Die Kings verdien sekerlik ook geleentheid vir groei, maar ek sou eerder eers die Curriebeker bv. aanbeveel. Waarom smelt die Cheetahs en Lions nie maar weer saam vir die onthalwe ten minste?”
Vince Verwey: “Ek dink dis onregverdig om net te besluit die Lions is uit. ‘n Promosie/relegasie-wedstryd moet die finale beslissing wees. Hoekom speel hulle nie in 2012 al hierdie uitspeel-wedstryd nie?”
André Botes: “Waarom nie nou 'n relegasie-wedstryd nie? Bygesê sal ek, indien ek in Saru gedien het, seker ook maar die besluit geneem het om my pos te behou. Wie kan teen politiek opstaan?”
Ongelukkige Leeu-ondersteuner: “Dit is weereens ‘n bewys... In vandag se lewe is enigiets moontlik. Dit is nie wie jy is nie dit gaan oor wie jy ken. LIONS FOREVER!”
Michael Devenish: “Die Kings kan nie eers die Vodacombeker wen nie, hoe wil hulle meeding in die Super-reeks?”
Neels Marais: “Nee. Ek dink Saru het ‘n groot fout gemaak. Die Kings het hulle nog nie eers in die Curribeker bewys nie, hoe kan hulle in die Super-reeks iets vermag. Hulle gaan die melkkoeie van die reeks wees. Dit gaan die Lions finansieel seermaak, hulle gaan van hulle goeie spelers verloor, borge gaan ook onttrek. Ek dink hierdie was deur en deur ‘n politieke besluit en druk van bo...”
Johan Viljoen: “Nee dis nie die regte besluit nie. Hoeveel spelers gaan nou na ander unies gaan om vir meer geld te speel? Natuurlik gaan die Lions nou ’n swakker unie word as die spelers loop. Die Kings moes eers Curriebeker gespeel het en dan, as hulle sou presteer, opgeskuif het na die Super-reeks.”
Johan Jacobs: “Persoonlik is ek nie ’n Lions-ondersteuner nie en ook glad nie ’n Kings een nie. Ek sou sê dat aan die einde van 2012 daar ’n relegasie-wedstryd moes wees tussen die Lions en die Kings. Dit maak meer sin. Soos dit nou lyk gaan die Kings in elkgeval slegter as die Lions doen want hulle kan nie eers die Curriebeker se eerste liga wen nie.”
Louise Coetzee: “Dit is vir my onaanvaarbaar dat daar altyd geswig word voor politieke motiewe, die Kings se spel is nie helfte van die Lions sin nie.”
GESELS SAAM: Dink jy Saru het die regte besluit gemaak om die Southern Kings ten koste van 'n ander Suid-Afrikaanse span in die Super-reeks te laat speel? Ja/ Nee? Hoekom? Stuur jou mening na terugvoer@nuus24.com.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
