Ruk die busdienste reg
deur Philip van Staden
2012-01-19 08:08
Agttien dae in 2012 en die busdienste in Pretoria laat alreeds inwoners gestrand.
Dit volg nadat ek vandag (18 Januarie) verskeie klagtes van inwoners gekry het van busse wat werkende mense en skoolkinders op die eerste skooldag gestrand gelaat het. Inwoners van Mountain View en omliggende omgewings kon geen busse na die middestad kry nie en selfs ook nie terug nie. Ouers wat kinders in Afrikaans Hoër, Boys High en Girls High het, het met dieselfde probleme gesit.
Die stad het lank reeds sy inwoners op vele terreine gefaal en die wanfunksionering van die busdienste is die gevolg van 'n ANC-regering in die stad wat eerder miljarde rande op naamsveranderings wil spandeer in plaas daarvan om voldoende dienste aan die stad se inwoners te lewer.
Ek waarsku dus hiermee die ANC-regering van die stad om dienste te begin lewer anders gaan ek geen ander keuse he as om weer 'n saak by die verbruikerskommissie aanhangig te maak teen die stad soos in Mei 2011 toe inwoners van die stad vir twee weke sonder lopende water gesit het.
Ruk die busdienste reg, lewer die dienste waarvoor die inwoners betaal en geen moeilikheid sal plaasvind nie.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.