Ná 37 jaar op die kassie het Riaan Cruywagen Maandag sy laaste nuusbulletin gelees. Hier is ’n paar boodskappe wat lesers met Nuus24 gedeel het...
B. Brooks: “Oom Riaan, baie dankie vir 'n leeftyd van goeie herhinneringe, die eerste keer wat ek 'n TV-program gesien het asook 'n TV, was Haas Das se nuuskas, 'n groot oomblik in 'n baie arme kind se lewe. Sal jou nooit vergeet nie! Dankie.”
Lucas Lessing: “Ja daar is ’n tyd om te kom, en ’n tyd om te gaan. Ja, na 37 jaar op ons nuuskassie gaan ons jou werklik mis, mag u aftrede ’n volmaakte en geseënde tyd wees saam met u familie en vriende wat u lief het. Ons sê dankie dat ons altyd op hoogte was van nuusgebeure en die passie wat u daarvoor gehad het. Geniet u aftrede en Gods rykste seën.”
Conroy de Villiers: “Vaarwel ou grote! Jy is 'n legende. Ons gaan jou mis.”
Ruthwin Nixon: “Ek wil net sê eerstens ek is seker een van vele Suid-Afrikaners wat met U grootgeword het. Ek is 21 en het myself altyd aan stories gelaat fanatiseer. Stories wat vertel is met U aan die stuur. Asook die nagte en smiddae wat die TV so hard gestel was om U stem te hoor terwyl my ma kos maak. Ek wil net sê dankie want dit is iets wat ek my kinders sal oorvertel vir hulle generasie. Soos U sê, niemand is vervangbaar nie. Ons het met U grootgeword en so sal die ander ook. Nou gaan rus en geniet die goue jare. Oom is vir ons ’n legend. Tot ’n volgende keer.”
Annamarie Viviers: “Totsiens Riaan, ons gaan jou vreeslik mis. Vir die Afrikaners beteken dit dat nog iets vir altyd verlore is in die sogenaamde openbare uitsaaier. Mag dit baie goed gaan met jou in die toekoms.”
Deon Esterhuizen: “Riaan jys nie net ’n ikoon en ’n legende nie, maar soos goeie rooi wyn. Jy gaan waarlik gemis word.”
Robbie: “Haas Das se nuuskas en al die aande voor die TV. Oom se dogter wat sê pappa en pappa sê... As 40 jarige is ek al lankal gewoond aan ander se jy en jou. Ek het groot geword sonder ’n enkele jy of jou vir ouer mense. Pragtig, wonderlik. Oom is n inspirasie! (En dit het my n halfuur gevat om al die korrekte Afrikaanse woorde te onthou!)”
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
